عرض المقالة :الشباب والجنس..سيناريو يتكرر كل يوم       مقالات وموضوعات شبابية اسم المقالة : الشباب والجنس..سيناريو يتكرر كل يوم كاتب المقالة: محمود مراد تاريخ الاضافة: 10/12/2009   الزوار: 175 الشباب والجنس بسم الله الرحمن الرحيم وبه نستعين ، وصلى اللهم على سيدنا محمد وعلى اله وصحبه اجمعين .... فعلا انا مش عارف أبدأ موضوعى إزاى ، بس اللى خلانى أبدأ أكتب ، ألالام كتيرة جوايا وأحزان محدش حاسس بيها غير اللى خلقنى ، ولو كنت أقدر أكتب الموضوع ده بدموعى ، مكنتش هتأخر ، وممكن يكون موضوعى جرىء شوية ، والكلام صعب ، لأن الحق طعمه مر ، ودايما الحق مخالف لهوانا ، علشان كده بنحب نتجنبه ، ونحور على نفسنا بأفكار غلط ، وننتوه فى الدنيا ، مش مهم احنا صح ولا لأ ، بس المهم نكون مبسوطين ، ولو كان فى حياتنا حاجة غلط ، هنبص على ناس غيرنا أسوأ مننا ، ونقول الحمد لله احنا أحسن من غيرنا كتير. يعنى هى شماعة حجج ، موجودة فى دولاب كل واحد مننا (الا من رحم ربى ) علشان لما يتزنق يعلق عليها كل أخطائة ، انا هقول قصة كده صغيرة ، وسامحونى لو كلامى خرج عن النطاق .............................................................. ولد ، كان فى يوم من الايام فى الكلية ، واقف مع اصحابة ، ولاد وبنات ، بعد كده جات جديدة صاحبة البنات ، وأتعرفت عليه .. ومن الواضح انها كانت عينيها عليه من اول ما شافته ، مع العلم ان البنت دى كانت عايشة فى بلاد الحرمين ، ومتدينه وعندها أخلاق ، بس المشكلة اللى بيقع فيها كتير ، الانفتاح على الغلط بعد الصح ...، المهم البنت دى عملت أول تنازل وهو إنها اتعرفت على ولد كمجرد علاقة بريئة، بعد كدة الموضوع اتطور وبقوا يروحوا مع بعض بس مش لوحدهم مع اصحابهم يعنى ، وكان ده تانى تنازل ، بعدين أخدت رقمة كمجرد علاقة بريئة ، وكان ده تالت تنازل ، بعدين بدأ حوار المكالمات الليلية برده كمجرد علاقة بريئة ، (طبعا شركات المحمول مظبطانا فى الموضوع ده ) وكان ده رابع تنازل ، بعدين بقوا يخرجوا مع بعض لوحدهم ، وكان ده خامس تنازل ، وبعدين ... أتمسك ايديها .... لأنهم فى علاقة بريئة ، وده التنازل السادس ، بعدين بقوا يروحوا أماكن عامة ، وده التنازل السابع ، وبعدين أماكن مش عامه ، وده التنازل الثامن، تخيلوا ان البنت دى فى العلاقة البريئة دى، أتنازلت كل التنازلات دى فى خلال تقريبا عشر ايام ، والعلاقة البريئة دى أستمرت تقريبا 3 شهور ، ،،،حفاظا على الحياء مش هكمل هما وصلوا مع بعض لأيه ، فى العلاقة اللى مبقتش بريئة ، لأنكم أكيد عارفين أخرتها أيه . واللى وصل البنت دى لكده انها أتبعت خطوات الشيطان لأن ربنا قالنا ولا تتبعوا خطوات الشيطان ، ومقلش طريق الشيطان . ممكن تقولوا هو انت جايب ليه العيب على البنت ومش الولد ، لأن الولد لو معرفش يكلم البنت برضاها مش هيضربها على ايديها...بس ده ميمنعش ان الولد هو كمان غلطان . المهم الولد ده كان الاول مبسوط أوى من الحوار ده ، وكان طالع بيها السماء ، بس على أد ما كان كل تنازل من البنت دى فى صالحه، إلا إنها كانت بتنزل فى نظرة ، لغاية ما قال : ((أنا بقيت أقرف منها ، انا مش متخيل البنت اللى أول مرة امسك ايديها وكانت بتترعش تبقى بالشكل ده ، دى مبقتش بتعرف تمسك نفسها ، وكنا راسمين لنفسنا الجواز ، بس اتجوزها ازاى وهى سلمتلى كل حاجة غالية كانت تملكها)).............ياه كلمات صعبة أوى. ......................................................... السيناريو اللى فات ده ، من أكتر السيناريوهات اللى بتتكرر فى حياتنا وفى كل مكان ، سواء فى الكليات او فى المدارس ، وكم من عذراء فقدت عذريتها ، وكم من فى الطريق الى ذلك ، لغاية ان شباب كتير وصلت معاهم إنهم مش واثقين فى اى بنت من كتر ما شافوه..... ............................................................ المشكلة ان الاخلاق مش هى اللى بتحكمنا فى العلاقات اللى مش بريئة ، بدليل اننا شوفنا كتير بنات وأولاد عندهم أخلاق عالية ودين ، بس لما بيدخلوا فى علاقة ربنا حرمها ، بيقعوا فى نفس المشاكل اللى كلنا نعرفها ، فبداخل كل واحد مننا عنده شهوة ، أسمها شهوة الجنس ، والطبيعى انه يحصل تجاذب بين شهوتين الذكر والانثى فعشان كده الاسلام حرم ان يختلى الرجل بالمرأة ، لأن الطبيعى انه يحصل التجاذب بين الشهوتين ، ويقعوا فى المحظور . ممكن واحد يختلف معايا ويقول ، ايه الظن السىء ده ، هقولة : أنت مش أحسن ولا أذكى من رسول الله صلى الله عليه وسلم . قال رسول الله ( ص ) : ((من كان يؤمن بالله واليوم الآخر فلا يخلون بامرأة ليس معها ذو محرم منها فإن ثالثهما الشيطان)) صحيح أخرجه أحمد وصححه الحكم ووافقه الذهبي .............. ومن حكم ربنا فى وضعه شهوة الجنس فينا ، والله أعلم بحكمه ، إنها تكون بمثابة أختبار ، فيترى هنصبر ونقاومها قبل الجواز ولا لأ. وبعد الجواز تكون هذه الشهوة هى سر التحابب والتوادد بين الزوجين. ...................... وعايز أوصل رساله لكل ولد... ورساله لكل بنت ... نبدأ بالولد... أخى العزيز..إليك .. : 1.صدقنى البنت اللى ترضى تخرج معاك ، وتسهر بالليالى تكلمك على الموبايل مش هى دى اللى تنفع تربى عيالك 2.ممكن تكون منبهر بشخصية صاحبتك ، وحاسس ان فيها كل الصفات الكويسه، ونفسك تكون زوجتك فى المستقبل ، فأتقى الله فيها ، وشوف ايه اللى يرضى ربنا وأعمله ، وان شاء الله ربنا هيرضيك ، لأن ما عند الله لا ينال إلا بطاعتة . 3.متشتغلش نفسك _وانا أسف فى الكلمة_وتخلى حجة أستمرارك معاها إنك هتخطبها ، لأنك ممكن متلحقش كده وتوصل لحارة سد . 4.انا مش ضد الحب ولا الخطوبة ، يارب كل ولد وبنت بيحبوا بعض يتجوزا ، بس فى طاعة ربنا. 5.لو كنت لسه موصلتش لوقت الخطوبة والجواز ، فأشغل نفسك بالرياضة وحفظ القرءان والكورسات والصيام ، وأدعى ربنا يحفظك من الفتن ما ظهر منها وما بطن ، وكمان يرزقك بالزوجة و الزرية الصالحة . 6.أعرف ان صاحبتك صخرة كبيرة بينك وبين ربنا ، وربنا يستحق انك تكسر كل صخور الدنيا علشان توصل لرضاه 7.انت مخلوق للعبادة ، مش علشان تصاحب وتحب ، أما مع مراتك فجماعك لها عبادة. 8.قال صلى الله عليه وسلم (( عفوا تعف نسائكم)) ، وأعرف ان البنت ربنا خلقها زى ما خلقك لعبادته مش عشان تحب فيك. 9.أعرف إن زى ما البنت خانت أهلها معاك ، فمن الطبيعى انه يجى يوم وتخونك فيه .. 10.الطيبون للطيبات والخبيثون للخبيثات ، فكن من الطيبين لتنال من الطيبات. تلك عشرة كاملة ... اللهم أهدى شباب المسلمين وأحفظهم من الفتن ما ظهر منها وما بطن. اختى العزيزة ..اليكى... : 1.صدقينى شهوة الحب عندك من أضعف حاجة فيكى ، لأن البنت لما بتحب بجد بتسلم للى بتحبه كل حاجة...كل حاجة !!! 2.زى ما الظروف جمعتك إنتى وصاحبك ، ممكن الظروف تجمع صاحبك بغيرك ، وساعتها هتتكسرى وتعيشى لحظات من أصعب اللحظات ، على واحد ممكن ميكنش يستاهلك أصلا. 3.أوعى تتغرى بإخلاقك أو بإخلاق صاحبك ، لإن كلنا ضعاف قدام الفتنة ، ومن أشد الفتن فتنة النساء 4.خدى بالك إنك بصحوبيتك لولد ، أنا أسف والله فى الكلمة ، بتبقى عند كتير من الشباب كارت محروق . 5.لو كنتى فى علاقة ، فحاولى تنهيها الليلة ، وأدعى ربنا على إنه يعينك على نفسك ، وثقى تماما إن ربنا هيكرمك بيه فى بيت سعيد ، لو كان خير ليكى ، أو يكرمك باللى أحسن منه لو كان شر ليكى ، والله يعلم وانتم لا تعلمون 6.لو كنتى مش مصاحبه ، والشيطان واصحابك بيوزوكى ، فأثبتى ، ووالله ربنا هيكرمك بالانسان اللى يعوضلك كل لحظة صعبه عيشتيها ، ومتتغرريش بكترة الغلط ، وكونى من القلة الصالحين ، ومتسمعيش كلام ناس وأسمعى كلام رب الناس...((وإن تطع أكثر من فى الارض يضلوك)) 7.أنا عارف ان الشعور بوجود راجل فى حياتك تستأنسى بيه ، وتفضفضى معاه شعور حلو ، زى ما السرقة حلوة والمخدرات حلوة والزنه حلوة. لأن حلاوة الحاجات دى امتحانات من ربنا. وصدقينى لو دعيتى ربنا بإخلاص إنه يزين فى قلبك حلاوة الايمان ، هتكرهى كل حاجة كنتى فاكراها حلوة . 8.لو كنتى مصاحبة وتوبتى الى الله ، فهنيئا ان شاء الله تبديل سيئاتك حسنات ، وأصبرى لحد ما ربنا يشوف صدقك ، ويعوضك خير ، لأن من ترك شيئا لله عوضه الله خيرا منه 9.كونى ملاك ، الكل نفسه يكسبه ، مش عشان لبسه وشكلة ، لأ علشان دينه وأخلاقة ، والشاب مننا ممكن يلف بلاد علشان يوصل لذات الدين. ومتكونيش شيطان ، بتبعدى نفسك وغيرك عن ربنا. 10.إنتى كائن ضعيف ، مش عشان انك بنت ، لأ علشان إنك إنسانه ، ((وخلق الانسان ضعيفا ))، فأستمدى قوتك من القوى ، ألا وهو الله يارب تحسى بكل كلمة من دول ، لأنى بأكتب وقلبى حزين على اللى أحنا وصلناله من فساد وضياع ، إنتى غالية أوى بس لو حفظتى على نفسك . ورخيصة اووووى لو رخصتى نفسك ، بالله عليكى قولى... يارب ، والله أحنا محتاجين أوى للمرأة الصالحة ، أنتى ممكن ترفعينا لفوق وممكن تنزلينا. بصلاحك صلاح جيل ، وفسادك فساد أمة. مرة كنت بتكلم مع أحد الشباب المتدين _ نحسبه على خير _ وكان أهله عارضين عليه عروسه وعلى حسب كلامهم انها متدينه ، بس هو رفض لأن فيها بعض صغير جدا من صفات بنات اليومين دول ، فقولتله : ياعم متزودهاش رد عليا وقالى : أنا راجل نص ونص فى الدين أتجوز واحدة نص و نص ، هنبقى أكيد ربع وربع ، لكن أنا عايز أتجوز واحدة تعينى أكتر على طاعة ربنا ... يارب تكونى أنتى من المعينين أكتر على طاعة ربنا.... شباب كتير بيشوف البنت ، ويسهر الليالى علشان يوصلها ، بس لو وصلها بتتحول من السمكة الللى جوة البحر اللى قاعد من الصبح علشان يصطادها ، الى سمكة بيرميها بعد ما يخلص يوم الصيد الجميل ، لكلب ولا لقطة وهو ومروح. شوفتى الفرق... كونى جوهرة غالية ، من الصعب إن أى حد يشوف تفاصيلها ويمسكها بإيده إلا للى يدفع التمن الغالى كونى كالنسمة ، تمشى بهدوء دون إثارة من حولها اللهم أرزق شباب المسلمين زوجات صالحات وأجعل من نسلهم من يرفع راية الاسلام وحملة القرءان ومن يأمر بالمعروف وينهى عن المنكرات اللهم أرزق بنات المسلمين أزواج صالحين وأجعلهن صالحات قانطات تائبات عابدات غير متعطرات ولا متبرجات اللهم أرزق شباب المسلمين عفة يوسف عليه السلام وأرزق بنات المسلمين طهارة مريم عليها السلام اللهم أهدى بناتنا ونسائنا للحجاب فقد أضروا بالشباب ، اللهم جملهن بالعفة والحياء ، وأجعلهن ممن تاب اليك وأناب. إن وفقت فى كتابتى فما توفيقى الا بالله عليه توكلت واليه أنيب وان كان هناك خطأ فإنه منى ومن الشيطان الرجيم. اللهم وارزقنا الاخلاص فى القول والفعل والعمل اللهم إنى أعوز بك أن أذكرهم بك وأنساك وصلى اللهم على خير الذاكرين والشاكرين لك محمد صلى الله عليه وعلى اله وصحبه وسلم واخر دعوانا ان الحمد لله رب العالمين <جديد قسم < مقالات وموضوعات شبابية لحظات بتكسرنا قنبلة موقوتة..وهبك الله الكثير فلماذا تعصيه بنعمه التعليقات : 1 تعليق «إضافة تعليق المقالة » ايميلك اسمك تعليقك

القائمة الرئيسية . الصفحة الرئيسية مقالات وموضوعات شبابية الإعجاز العلمي في القرآن والسنة كلام كبير وبسيط صـفـحة الاخـبـــار أخبار تهمنا كلنا الفتاوى مشكلات نفسية واجتماعية خاص بالمرأة المسلمة فضائل الأعمال التربية الآداب والأخلاق والرقائق الفقة وأصوله فقة الأسرة الكتـب الاسلامية نبذة عـن الـمـوقع مع الله وحبيبنا رسولنا محمد الله سبحانه وتعالى هل تعرف حبيبك رسولك محمد صلى الله عليه وسلم؟ دلـــيــل مــواقــع جروبات على الفيس بوك مواقع كبار العلماء قناة موقع باقة أمل كتابات وحملات إيمانية سلسلة الدار الآخرة للدكتور عمر عبد الكافي حملات إيمانية حملات الإستغفار والصلاة على النبي صلى الله عليه وسلم وذكر الله مشروع العفة في أمتنا حملة شارك صح..مشروع العفة في أمتنا حملة انتر نت 100- 100 من غير مواقع إباحية...مشروع العفة في أمتنا حملة القنوات الإباحية في وصلات الدش ...مشروع العفة في أمتنا حملة العفة في أمتنا تبدأ بمجهودنا الحياة الزوجية برؤية إسلامية سنة أولى جواز وثيقة العمر لشهر عسل دائم فَالصَّالِحَات قَانِتَاتٌ حَافِظَاتٌ لِلغَيب الغيرة المعتدلة تزيد من دفئ الحب بين الزوجين حتى تكتمل السعادة الزوجية..تأملوا هذه الكلمات أساس السعادة الزوجية..الحب والرومانسية..بحبك سلسلة إسطوانات إسلامية سيرة رسول الله صلى الله عليه وسلم السيرة النبوية للشيخ وجدي غنيم والدكتور عمر عبد الكافي إسطوانة سلسلة الشباب والزواج للشيخ هاني حلمي مشاريع إيمانية برنامج إيماني لإحياء أعظم أيام الدهر هنعيش حياتنا..ونحافظ على أمتنا بنات وشباب 2010 أنت راجل ولا مش راجل..معنى الرجولة رنة موبيل..وحكاية حوار بين بنتين وشاب أنت أهلاوي ولا زملكاوي..مباراة القمة بنتين وشابين..صحوبية..وحكاية حوار الطريق إلي الله راجعلك يارب على فين يا شباب قسم الإسطوانات أشحن قلبك التدبر في خلق الله الطريق إلي القرآن بنك المعلومات معلومات دينية ثقافة طبيبة وغذائية جسم الإنسان تحذير لكل البنات..طول ما صورك على الفيس بوك سمعتك ومسقبلك وحياتك في خطر إعلانات دعوية من الموقع ومن خارجه إهداء خاص جداً لمصر..الله عليكي بجد الله الزواج والخطبة..أجمل أيام حياتنا الحياة الزوجية برؤية إسلامية قبل الجواز قرب هنا..أيام الخطوبة ساهم معنا إضافة التلاوة إضافة المحاضرة إضافة المقالة إضافة النشيدة إضافة الفلاش إضافة ثيم إضافة البرنامج إضافة المقطع إضافة خلفية جوال إضافة ويف إضافة مسج إضافة الخبر إضافة الفتوى إضافة البرنامج إضافة الكتاب إضافة التوقيع إضافة الصورة إضافة الشاشة إضافة الذكر إضافة القصة إضافة الموقع إضافة الدرس إضافة المقطع إضافة المقالة الصوتيات والمرئيات . الـــقــران الــكـريم الخـطب والـدروس ركــن الانـاشــــيد أحب رمضان (للأطفال) أرجوزة الآداب - 1 أسرتي الحبيبة(أطفال) أشرقي أمعلِّمي أنا الفقير أهلا بالعيد(للأطفال) أهلا رمضان (للأطفال) أوراق أول الغيث المزيد المـكتبة الـمــرئية الدكتور حازم شومان الشيخ محمود المصري الشيخ هاني حلمي عبد الحمي منوعات إيمانية شيقة خدمات ومعلومات . الاحــصـــائــيـــات سيب رسالتك لينا اخـبـر صــديــقــك اتـــصـــل بــــــنـــا الإسلام سؤال وجواب . الساعة الآن بتوقيت القاهرة . د.إبراهيم الفقي - نجاح بلا حدود . حبيب الملايين الشيخ الشعراوي . ..عمرعبدالكافي - كلمة للنساء الفضليات . موقع رسول الله صلى الله عليه وسلم . الشيخ ابو إسحاق الحويني . الشيخ محمد حسان . مصطفى حسني . الشيخ حازم شومان . الشيخ محمد حسان - حجاب الموضة . الشيخ حازم صلاح أبو أسماعيل - وصف النار 2 . الشيخ حازم صلاح ابو اسماعيل - وصف النار 3 . الشيخ حازم شومان - بنات - حريم - إنتكاسات .